Past Programs

नमस्कार मंडळी,

आपण सर्वांनी यंदाची होळी आनंदात साजरी केली असणारच. तसेच आपला होळीचा उत्साह द्विगुणित करण्याचा NEMM ने केलेला एक छोटा प्रयत्न देखील आपणा सर्वांना आवडला असेल यात शंका नाही. 

मंडळी, आता चाहूल लागलेली आहे येणाऱ्या मराठी नवीन वर्षाची. गुढी पाडव्याने सुरु होणारे नवीन वर्ष दरवर्षी भारतात आणि आता अमेरिकेतदेखील आपण मराठी मंडळी गुढी उभारून साजरे करतो. काळानुसार गुढीबरोबरच रांगोळी, फुलांची आरास, ढोल ताश्यांच्या गजरात मिरवणूक यांचा समावेश होऊ लागला. यंदा COVID मुळे हे सर्व जरी करता येणार नसले तरी दोन गोष्टी मात्र आपण NEMM कर जरूर करणार आहोत. 

सर्वप्रथम, आपण आपल्या आचार, विचार, आणि कृतीतुन एक सामर्थ्यवान गुढी उभारूया. अर्थात ही गुढी असेल यश, आरोग्य, मांगल्य, माधुर्य, वैभव, स्थैर्य, आणि संकल्प यांनी युक्त अशी! 

आता दुसरी गोष्ट, जी NEMM ला कायम लाभणारी तुमची साथ. 

ह्या वर्षीच्या गुढी पाडव्याला करमणुकीची जोड घेऊन NEMM सादर करत आहे - सुमित राघवन आणि नेहा जोशी या सुप्रसिद्ध कलाकारांच्या भूमिका असलेले मराठी नाटक Knock! Knock! सेलिब्रिटी.

आग्रहाचे निमंत्रण आणि तुम्ही येणार नाही, असे होऊच शकत नाही!!

नमस्कार मंडळी,

संक्रांत, गुढी पाडवा, आणि होळी यापाठोपाठ येणारा उत्सव म्हणजे महाराष्ट्र दिन. १ मे १९६० साली स्थापन झालेले आपले हे महाराष्ट्र राज्य अत्यंत छोट्या कालावधीत भारतातील सर्वात प्रगतिशील राज्य बनले. किंबहुना अमेरिका जगाचे मेल्टिंग पॉट आहे, तर महाराष्ट्र भारताचे मेल्टिंग पॉट आहे. या राज्याने भारतातील सर्व धर्म, जात, पंथाच्या लोकांना आपलेसे केले. आज महाराष्ट्र खऱ्या अर्थाने भारत देशातील सांस्कृतिक, सामाजिक, आणि आर्थिक दृष्ट्या प्रगतिशील राज्य आहे.

अशा या सर्वसम्पन्न राज्याचा या वर्षात येणारा वाढदिवस साजरा करताना एक प्रकारची द्विधा मनस्थिती आपणा सर्वांमध्ये असणार आहे हे निश्चित. फक्त महाराष्ट्रच नव्हे तर पूर्ण भारत देश एका कठीण कालावधीतून जात आहे. आज भारत देशातील जनता सर्व जगाकडे मदतीची याचना करत आहे. एकीकडे महाराष्ट्राचा सांस्कृतिक वारसा जपायचा, त्याचबरोबर त्या मातीचे ऋण फेडायचा विडा NEMM ने उचलला आहे.

NEMM एक आगळावेगळा कार्यक्रम आपल्या भेटीला घेऊन येत आहे. आपल्या सर्वांचा लाडका सचिन पिळगावकर आपल्या भेटीला येणार आहे - सचिनमय: प्रवास एका सुवर्ण कारकिर्दीचा!  त्याचबरोबर, NEMM सेवा इंटरनॅशनल च्या बरोबरीने एक मदतीचा हात पुढे करत आहे, आपल्या भारतभूमी आणि तेथील जनतेसाठी!